Joriy yilning 1-dekabrdan Toshkent metropolitenida jetonlarni qabul qilish to‘xtatiladi. Bu haqda metropoliten matbuot xizmati ma’lum qildi.

Eslatib o‘tamiz, 2020-yilning 1-noyabridan boshlab Toshkent shahar jamoat transporti avtobus va metropoliten yo‘nalishlarida avtomatlashtirilgan to‘lov tizimini joriy etish ishlari doirasida yo‘lovchilarning yagona transport kartalari orqali yo‘l haqi to‘lovlarni amalga oshirish ko‘lamini kengaytirish, avtomatlashtirilgan tizimning to‘laqonli ishlab ketish jarayonini tezlashtirish, shuningdek, jamoat transportida naqd pul muomalasidan voz kechish maqsadida Toshkent metropolitenida jetonlar sotuvi to‘xtatilgan edi.

O‘tgan bir yil mobaynida aholidagi mavjud jetonlar yo‘l haqi to‘lovi uchun qabul qilindi.

Ma’lumot uchun, to‘lov tizimida qulaylik yaratish maqsadida Toshkent metropolitenining barcha bekatlari QR kodli chipta, transport va bank kartalari hamda NFC  funksiyalari orqali to‘lovlarni amalga oshirish imkonini beruvchi stasionar validatorlar bilan jihozlangan.

• Metro