2023-yil uchun ipoteka kreditlari bo‘yicha subsidiyalar ajratishga doir arizalar tasdiqlangan parametrlar doirasida 2023-yil 1-maydan 2023-yil 1-dekabrgacha qabul qilinadi.

Oʻzbekiston Respublikasi Prezidentining 2023-yil 11-martdagi “2023-yilda bozor tamoyillariga asoslangan ipoteka kreditlari orqali aholini uy-joy bilan taʼminlash dasturini amalga oshirish chora-tadbirlari toʻgʻrisida”gi PF-51-son Farmoniga muvofiq, 2023-yil uchun yangi tartibda ipoteka kreditlarini ajratishning maqsadli parametrlari tasdiqlandi.

Unga ko‘ra, endilikda subsidiya ajratish jarayoniga quyidagi oʻzgarishlar kiritildi:

– Subsidiya taqdim etish toʻgʻrisidagi xabarnoma olingan vaqtdan boshlab 4 oy ichida amal qiladi, bu muddat tugaganidan soʻng qayta ariza berilishi mumkin;

– Subsidiya olish uchun bir kalendar yilda ikki marta ariza berish boʻyicha belgilangan cheklovlar bekor qilindi, rad etilgan arizalarga 1-dekabrga qadar qayta ariza yuborish mumkin.

• Farmon
• Uy-joy
• subsidiya