Yangi tahrirdagi Konstitutsiyaning 78-moddasida belgilangan bolalar va yoshlarda xalqning boy madaniy merosidan faxrlanish, Vatanga bo‘lgan mehr-muhabbat tuyg‘ularini shakllantirishga oid qoidalarni amalga oshirish maqsadida O‘zbekiston Respublikasi fuqarosi hisoblangan va 18 yoshgacha bo‘lgan bolalarning madaniy meros obyektlariga, jumladan ko‘rgazmalar, tarixiy obidalar va ziyoratgohlar, shuningdek, davlat muzeylariga to‘lovsiz kirish tartibi joriy etilmoqda.

Ushbu kiritilayotgan norma mamlakatimizdagi muzeylar faoliyatini qo‘llab-quvvatlash, muzeylarda o‘zbek xalqi va davlatchiligi tarixi, buyuk allomalar hayoti va faoliyatiga oid, muzey to‘plamlaridagi boy tarixiy va madaniy merosimizni keng targ‘ib qilishga zamin yaratadi.

• muzey