Toshkent viloyati hokimi Zoyir Mirzayevning ta’kidlashicha, Qibray tumanining barcha rahbar va mas'ullari ishdan olingach, unga “qo‘ng‘iroqlar” bo‘lgan.

“Kecha bir-ikkita telefon qilganlarga aytdim, qo‘ysalaring-chi, endi bir Qibrayning ham hokimiyatidan “toza qon” oqsin, toza havo kirsin ichkariga, mayli, hokimni aybdor deyaptiku lekin, u ishni qilgan odamlar o‘tiribdiku o‘sha joyida ular yana nechta hokimni “yeyishi” kerak?”,– deydi Toshkent viloyati hokimi.

Shuningdek, uning ta’kidlashicha, viloyatdagi hamma tumanlarda ahvol shunday.

“Yerni sotganlar ham o‘tiribdi kadastrdagi ikkita-uchta noinsoflar. Qayerda nima borligini o‘zi yaxshi biladi, men borib protokolga qo‘l qo‘yishga qo‘rqaman, protokolni ichiga o‘zini manfaatini o‘ylab [hujjatlar] tiqib yuboradi, hech narsadan qaytmaydi. Har bir varog‘iga qo‘l qo‘yib chiqaman keyin. Hamma tumanda shu ahvol, bitta tumanda shu amaliyotni qilib ko‘raylik, natija bersa boshqalarida ham qilamiz. Bular hamma yoqni o‘zining xo‘jaligi qilib olgan. Oxiriga yetamiz hammasini baribir”, – deydi Zoyir Mirzayev.

• Toshkent viloyati