“O‘zbekiston Respublikasining Hisob palatasi to‘g‘risida”gi qonunga asosan Hisob palatasining 2021 yilgi faoliyati yuzasidan taqdim etgan hisoboti Oliy Majlis Qonunchilik palatasi deputatlari tomonidan ko‘rib chiqilmoqda.

Deputat Doniyor G‘aniyevning yozishicha, ushbu hisobotda diqqatga sazovor joylari ko‘p. Jumladan, taʼlim tizimidagi soxtakorliklar.

Hisobotda keltirilishicha, oliy taʼlim muassalariga ko‘shimcha tabaqalashtirilgan to‘lov-kontrakt asosida (“super-kontrakt”) o‘qishga qabul qilingan talabalarning hujjatlari o‘rganilganda, 10 ta oliy taʼlim muassasasida 117 nafar talabani Davlat test markazi maʼlumotnomasidagi ballarini soxtalashtirish orqali ularni “super-kontrakt” summalarining miqdori jami 9,6 mlrd. so‘mga kam hisoblangan.

 Misol uchun, Toshkent tibbiyot akademiyasida 2020-2021-o‘quv yilida fuqaro F.B. kirish imtihonida aslida atigi 56,6 ball olgan bo‘lsa-da, uning to‘plagan bali 132,7 ball etib ko‘rsatilgan hamda undan 279,4 mln. o‘rniga 139,7 mln. so‘m to‘lov-kontrak puli (139,7 mln. so‘m kam) olingan.

 “Oddiy qilib aytganda, oliy taʼlim muassasalariga kirishda aynan korrupsiyani oldini olish maqsadida joriy qilingan “super-kontrakt” tizimining o‘zida ham korrupsiya holatlari aniqlangan. Yaʼni, korrupsiyaga qarshi kurashish orqali ham “soqqa” qilish yo‘lini o‘ylab topishgan. Qoyil qolmay iloji yo‘q”, – deydi deputat.   

Hisobotda keltirilishicha, kelgusida bunday holatlar takrorlanishini oldini olish maqsadida, 2021-2022-o‘quv yilidan boshlab tabaqalashtirilgan to‘lov-kontrakt asosida o‘qimoqchi bo‘lganlar uchun onlayn platforma yaratilib, arizalar avtomatik tarzda qabul qilinishi va shartnomalar summasini inson omilining aralashuvisiz hisoblanishi yo‘lga qo‘yilgan. 

• Hisob palatasi
• Qonunchilik palatasi