Toshkent shahar hokimligi matbuot xizmatining xabar berishicha, Sohibqiron Amir Temur tavalludining 687 yilligi munosabati bilan “Temurbeklar maktabi” hamda “Yosh chegarachilar” akademik litseylari o‘rtasida yugurish musobaqasi o‘tkazilishi rejalashtirilgan.

Shu sababli, joriy yilning 2-aprel kuni soat 07:00 dan 10:00 ga qadar quyidagi ko‘chalarda avtotransport vositalarining harakati cheklanadi: 

– Yangizamon ko‘chasining Sayxun ko‘chasidan Eski Sariko‘l ko‘chasigacha bo‘lgan qismi; 

– Eski Sariko‘l ko‘chasining Yangizamon ko‘chasidan Abu Sulaymon Banokati ko‘chasigacha bo‘lgan qismi; 

– Abu Sulaymon Banokati ko‘chasining Eski Sariko‘l ko‘chasidan Abdurauf Fitrat ko‘chasigacha bo‘lgan qismi; 

– Abdurauf Fitrat ko‘chasining Abu Sulaymon Banokati ko‘chasidan Yangizamon ko‘chasigacha bo‘lgan qismi. 

Haydovchilarga shu vaqt oralig‘ida aylanma yo‘llardan foydalanish tavsiya qilingan.

• Toshkent