BMT Bosh kotibining rasmiy vakili bo‘lmish Stefan Dyujarrik Afg‘onistonda aholining 2 foizigina yetarli oziq-ovqat bilan ta’minlanayotganini ta’kidladi. Dyujarrik o‘z so‘zini Jahon oziq-ovqat dasturi telefon orqali o‘tkazgan so‘rovnomalari natijasida to‘plangan ma’lumotlari bilan asoslaydi. 

Jahon oziq-ovqat dasturi ma’lumotlariga ko‘ra, Afg‘onistonda hozirda 3,2 million bola ochlik bilan kurashmoqda. Shu bilan birga, tashkilot bolalarning to‘yib ovqatlanmasligi ularning salomatligiga ham jiddiy xavf tug‘dirayotganini ta’kidlagan. 

Ma’lumot uchun, ushbu tashkilot joriy yilda 15 mln afg‘onistonlikka yordam qo‘lini cho‘zgan, bularning 7 millioni esa faqat noyabr oyiga to‘g‘ri keladi.

• Afg‘oniston
• BMT