2021-yil yakunida tijorat banklarida muammoli kreditlar miqdori 16 trln. 974 mlrd. so‘mni tashkil qilgan. Markaziy bank ma’lumotlariga ko‘ra, bu bank tizimi kredit portfelining 5,2 foizini tashkil qiladi, deganidir.

Muammoli kreditlar qoldig‘i yil boshiga nisbatan 11 trln. 189 mlrd. so‘mga o‘sgan. Natijada ularning kredit portfelidagi ulushi ham 2021-yil boshidagi 2,1 foizdan yil yakuniga kelib 5,2 foizga ko‘tarildi.

Muammoli kreditlarning miqdor jihatidan eng katta ko‘payishi davlat ulushi mavjud bo‘lgan 10 ta yirik bankda kuzatilgan (jami kredit portfelining 5,4 foizini tashkil qiladi).

Mazkur banklarda muammoli kredit yil davomida 9 trln. 955 mlrd. so‘mga ko‘payib, yil yakunida ularning qoldig‘i 15 trln. so‘mdan oshib ketdi. Muammoli kreditlar miqdori Xalq banki (3,3 trln. so‘m), O‘zmilliybank (1,4 trln.so‘m), O‘zSQB (1,3 trln. so‘m), Agrobank (1,2 trln. so‘m) va Turonbank (214 mlrd. so‘m) larda ko‘paygan.

• Kredit
• Markaziy bank