2021*yilda mehnatni muhofaza qilish to‘g‘risidagi qonunchiligi buzilishi oqibatida inson o‘limi bilan bog‘liq jami 200 taga yaqin holat qayd etilgan.

Bu haqda Bandlik va mehnat munosabatlari vazirligi axborot xizmati rahbari Mavjuda Mirzayeva ma’lum qildi.

Qayd etilishicha, o‘tkazilgan tekshirishlar davomida 19 967 ta mehnatni muhofaza qilish to‘g‘risidagi qonunchiligi buzilishi aniqlangan (2020-yilda – 11 621 ta) bo‘lib, 1 970 nafar aybdor shaxsga jami 3 mlrd 340 mln. so‘m miqdorida jarima qo‘llanilgan.

Shuningdek, ishlab chiqarish bilan bog‘liq 810 ta bulardan 54 ta guruhiy baxtsiz hodisalar, 558 tasi oqibati og‘ir baxtsiz hodisalar va 198 tasi oqibati o‘lim bilan tugagan baxtsiz hodisalardir.

Ishlab chiqarishdagi baxtsiz hodisalar natijasida 907 kishi jarohatlangan, ulardan 238 nafari halok bo‘lgan, 632 nafari og‘ir tan jarohatini olgan va 37 nafari – yengil turdagi jarohatlar olgan bo‘lib, baxtsiz hodisalarni tekshirish natijalari bo‘yicha 596 nafar aybdor mansabdor shaxslar jami 1 mlrd 380,9 mln. so‘m jarima qo‘llash tartibi bo‘yicha ma’muriy javobgarlikka tortilgan va 199 nafar mansabdor shaxsga nisbatan jinoiy ish qo‘zg‘atilgan.

• Mehnat
• Mehnat_vazirligi