Tashqi mehnat migratsiyasi agentligi 2021-yil davomida xorijiy davlatlarda ishga joylashtirilgan va u yerdan qaytgan O‘zbekiston fuqarolariga ko‘rsatilgan yordam haqida ma’lumot berdi.

Qayd etilishicha, 2021-yil davomida agentlik tomonidan xorijda mehnat faoliyatini amalga oshirayotgan 8 811 nafar mehnat migrantiga huquqiy yordam, 295 102 nafariga maslahat xizmatlari, 6 283 nafariga ijtimoiy yordam, 13 424 nafariga moddiy yordam ko‘rsatilgan.

Migrantlarning 7 534 nafariga bir martalik moddiy yordam ajratilgan, 358 nafar mehnat migranti vaqtincha xostelga joylashtirilgan.
Shuningdek, xorijda qiyin ahvolda qolgan 321 nafar fuqaro qaytarilib, vafot etgan 518 nafar fuqaro jasadi olib kelingan. Og‘ir tan jarohati olgan 17 nafar mehnat migrantining tibbiy xizmat xarajatlari qoplab berilgan.

Agentlik axborotiga ko‘ra, mehnat migrantlarining ish beruvchilar tomonidan to‘lanmay turgan qariyb 984,1 ming dollar AQSh miqdoridagi ish haqi va pullik kompensatsiyalari undirib berilgan.

• Migratsiya