Joriy yilda Oʻzbekistonda sogʻliqni saqlash sohasiga 21 trillion soʻmdan ziyod mablagʻ yoʻnaltirilgan. Bu haqda SSV xabar bergan.

Qayd etilishicha, tibbiyot muassasalarining moddiy-texnik bazasini mustahkamlashga qaratilayotgan eʼtibor natijasida 2021-yil sogʻliqni saqlash sohasiga 21 trillion soʻmdan ziyod mablagʻ yoʻnaltirilgan.

Shuningdek, joriy yil tibbiyot muassasalarini zamonaviy asbob-uskunalar bilan jihozlashga 50 milliard soʻm, dori-darmon va tibbiy buyumlar bilan taʼminlash maqsadida 1,7 trillion soʻm mablagʻ ajratilgan.

“Eng muhimi, ajratilayotgan har bir mablagʻ sohada yechilmay kelayotgan muhim masalalarni hal etishga yoʻnaltirilganini hisobga olsak, bu raqamlar ortida qanchadan-qancha ijobiy oʻzgarishlar turganini tasavvur qilish qiyin emas”, — deyiladi xabarda.

• O‘zbekiston
• SSV