31°
Kechasi 18°
Kecha, 18-noyabr kuni O‘zbekiston TIV rahbari Abdulaziz Kamilov Moskva shahrida RF Tashqi ishlar vaziri Sergey Lavrov bilan uchrashdi.
Uchrashuvda tashqi ishlar vazirlari Rossiyaga kutilgan oliy darajadagi tashrifga tomonlarning tayyorligi yuqori darajada ekanini qayd etdilar hamda davlatlararo munosabatlarning dolzarb masalalarini muhokama qildilar.
Ikki mamlakatning xalqaro va mintaqaviy tashkilotlar doirasida yaqin aloqalarni davom ettirish va o‘zaro qo‘llab-quvvatlashga tayyorligi bildirildi.
– 2022-yil O‘zbekiston va Rossiya o‘rtasida diplomatik munosabatlar o‘rnatilganining 30 yilligi nishonlanadi. Biz hamkorlikda ushbu muhim sanani nishonlash uchun yirik ijtimoiy va madaniy tadbirlar o‘tkazish bo‘yicha maxsus dastur ishlab chiqdik, – deb ta’kidladi Abdulaziz Kamilov.
Shuningdek, uchrashuvda Afg‘onistondagi vaziyat yuzasidan fikr almashildi.
Uchrashuv yakunida Vazirlar axborot va biologik xavfsizlik sohasida qator ikki tomonlama hujjatlar, shuningdek, O‘zbekiston Respublikasi Tashqi ishlar vazirligi va Rossiya Federatsiyasi Tashqi ishlar vazirligi o‘rtasida 2022–2023-yillarga mo‘ljallangan hamkorlik dasturini imzoladilar.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
