Toshkentdagi yo‘nalishli taksilarda transport kartalari va bank kartalari orqali yo‘l haqi uchun to‘lov amalga oshirish bosqichma-bosqich joriy etiladi.

Bu haqda “ATTO” kompaniyasi Matbuot xizmati ma’lum qildi.

Xabarda aytilishicha, hozirgi paytda 27m, 34m, 68m, 52m, 110m, 135m yo‘nalishli taksilarda avtomatlashtirilgan to‘lov tizimi orqali to‘lovlarni qabul qilish imkoniyati joriy qilingan bo‘lib, tez orada 63m, 171m, 11m, 92m, 111m, 191m, 31m, 11i, 19i, 18m, 166m, 41m sonli yo‘nalishlarda ham ATTO orqali to‘lovlarni amalga oshirish mumkin bo‘ladi.

“2022-yil mobaynida esa, poytaxtdagi barcha yo‘nalishli taksilarda ATTO tizimi orqali to‘lovlarni qabul qilishni joriy etish rejalashtirilgan”, – deyiladi kompaniya xabarida.

Eslatib o‘tamiz, birinchi yo‘nalishli taksi joriy yilning avgust oyida avtomatlashtirilgan to‘lov tizimiga qo‘shilgan.

Ma’lumot uchun, kompaniya transport kartalari orqali noyabr oyining oxiriga kelib, yo‘nalishli taksilarda transport kartalari orqali to‘lov ko‘rsatkichlari 9,2 ming tranzaksiyadan oshishini prognoz qilmoqda.

• Toshkent