Keltirilishicha, oʻtgan yil 800 nafar shifokor Germaniya, Koreya, Singapur, Hindiston, Saudiya Arabistoni, Rossiya, Turkiya kabi chet davlatlarning nufuzli klinikalari va universitetlariga malaka oshirishga yuborilgan boʻlsa, 2023-yil yana 1 500 nafar vrach xorijda oʻz malakalarini oshirishi koʻzda tutilgan.

Qayd etilishicha, 2023-yilda 1000 nafar chet ellik mutaxassis oʻzbek talabalariga saboq beradi. Oʻz navbatida, bu raqam oʻtgan yilda 350 nafarni tashkil etgan.

Jumladan:

– gematologiya va onkogematologiya boʻyicha mutaxassislar, nefrolog, endokrinolog hamda kardiologlar Rossiyada;

– hamshiralar Germaniyada;

– onkologlar Koreyada;

– xirurglar Hindistonda;

– kardioxirurglar, transplantologlar Saudiya Arabistoni va Turkiyada;

– rahbar kadrlar esa Singapur va Turkiya davlatlarida malakasini oshirish boʻyicha hamkorlik yoʻlga qoʻyilgan.

Bundan tashqari, maʼlum qilinishicha, tibbiyot institutlarda 2023/2024-oʻquv yilidan boshlab bakalavriat, magistratura va klinik ordinatura oʻquv rejalariga “nano texnologiya”, “tibbiyot genetikasi”, “IT-texnologiyasi” kabi fanlar kiritiladi va xorijiy pedagoglarni jalb qilgan xolda oʻquv jarayonlari tashkil etiladi.

Oliy taʼlim muassasalari hamda kollej va texnikumlarning oʻquv dasturlari AQSh, Koreya, Germaniya, Turkiya, Singapur va Rossiya standartlari asosida qayta koʻrib chiqiladi.

• O‘qituvchi
• SSV
• Ta'lim
• Tibbiyot