2022–2026-yillarga moʻljallangan Yangi Oʻzbekistonning taraqqiyot strategiyasini “Insonga eʼtibor va sifatli taʼlim yili”da amalga oshirishga oid davlat dasturi toʻgʻrisidagi Oʻzbekiston Respublikasi Prezidenti Farmoni loyihasi keng jamoatchilik muhokamasi uchun eʼlon qilindi.

Davlat dasturi loyihasi jami 309 ta banddan iborat.

Shuninigdek, loyihada: 

– 2023/2024-oʻquv yilidan boshlab respublikaning barcha viloyatlari va Toshkent shahrida boshlangʻich sinf oʻquvchilarini bepul ovqat bilan taʼminlashni yoʻlga qoʻyish;

– 2023/2024-oʻquv yilidan boshlab davlat grantlarini kollej va texnikumlarning dual taʼlim shakli boʻyicha ham ajratish;

– vaqtincha mehnatga layoqatsizlik varaqalari va boshqa tibbiy maʼlumotnomalar berilishini bosqichma-bosqich elektron shaklga oʻtkazish;

– 200 ta davlat xizmatlarini davlat xizmatlari markazlari hamda Yagona interaktiv davlat xizmatlari portali orqali koʻrsatishni yoʻlga qoʻyish;

– 2024-yil 1-yanvardan boshlab pensionerga hisoblangan, lekin oʻz vaqtida olinmagan pensiyani toʻlash muddatini 12 oydan 24 oyga uzaytirish;

– yangi uy-joylar qurishning yillik hajmlarini 2 barobarga oshirib, 90 mingga yetkazish;

– 2023-yil 1-iyuldan boshlab Toshkent shahrida bosqichma-bosqich davlat tibbiy sugʻurtasi mexanizmlarini joriy etish kabilar nazarda tutilgan.

Maʼlum qilinishicha, Farmon loyihasi muhokamasi 2023-yil 17-fevral kuniga qadar davom etadi.

• Davlat dasturi
• Farmon
• Umumxalq muhokamasi