2024-yil boshidan buyon 17 ta davlatda 54 nafar jurnalist o‘z xizmat vazifalarini bajarish chog‘ida halok bo‘lgan. Bu haqda “Chegara bilmas muxbirlar” (RSF) jurnalistlarga nisbatan zo‘ravonlik haqidagi hisobotida yozgan.

Ta’kidlanishicha, 54 nafar jurnalistdan 31 nafari mojaro zonalarida halok bo‘lgan. O‘tgan yili jurnalistlar uchun eng xavfli hudud G‘azo bo‘lib, u yerda 16 jurnalist halok bo‘lgan.

Yil davomida qamoqqa olingan jurnalistlar soni 7,2 foizga oshib, 550 nafarga yetgan. Jumladan, Xitoyda 124 nafar jurnalist panjara ortida. Myanmada 61, Isroilda 41, Belarusda 40, Rossiyada 38 va Vyetnamda 38 nafar jurnalist qamoq jazosiga hukm qilingan.

So‘nggi bir yil ichida bedarak yo‘qolgan deb topilgan jurnalistlar soni 4 nafarga ko‘paydi va hozirda ularning soni 95 nafarga yetdi, ularning aksariyati yillar davomida Meksikada g‘oyib bo‘ldi.

• Urush
• jurnalist