2024-yilning 1-yarmida Uzbekistan Airways tomonidan xalqaro yo‘nalishlarda jami 2 346 000 yo‘lovchilarga, mahalliy yo‘nalishlarda esa jami 360 000 yo‘lovchilarga xizmat ko‘rsatildi. Bu haqda AJ axborot xizmati rahbari Dilorom Kaimbayeva xabar berdi.

Qayd etilishicha, 2024-yilning 1-yarmida “Silk Avia” tomonidan jami 3 277 parvoz bajarilib, 168 798 yo‘lovchiga xizmat ko‘rsatilgan.

- Joriy yilning iyun holatiga ko‘ra, quyidagi yo‘nalishlar bo‘yicha aviaqatnovlar soni oshirildi:

- Toshkent-Termiz-Toshkent va Toshkent-Buxoro-Toshkent yo‘nalishida parvozlar soni haftasiga 16 taga;

Toshkent-Qarshi-Toshkent va Toshkent-Farg‘ona-Toshkent yo‘nalishida parvozlar soni haftasiga 7 taga;

- Toshkent-Navoiy-Toshkent yo‘nalishida parvozlar soni haftasiga 5 taga yetkazildi.

1-iyuldan boshlab, haftasiga 7 marotaba Toshkent-Issiq-ko‘l-Toshkent yo‘nalishida muntazam parvozlar amalga oshirilmoqda.

12-iyuldan boshlab Toshkent-Termiz-Toshkent va Toshkent-Buxoro-Toshkent yo‘nalishida parvozlar soni haftasiga, har bitta yo‘nalish bo‘yicha 21 taga yetkaziladi.

Zomin aeroportida uchish-qo‘nish yo‘lagi rekonstruksiya qilish ishlari yakunlangani munosabati bilan aviaqatnovlar qayta tiklanib, parvozlar har kuni Let L-410 havo kemasida amalga oshirilmoqda.

• Uzbekistan airways