2024-yilning birinchi yarim yilligida UzAuto Motors’ning sof foydasi keskin oshdi. Bu haqda Korporativ axborotlar yagona portalida joylashtirilgan hisobotda keltirib o‘tilgan.

Unga ko‘ra, joriy yilning yanvar-iyun oylarida UzAuto Motors 1,91 trln so‘m sof foyda ko‘rgan. Bu o‘tgan yilning mos davriga nisbatan 65 foizga ko‘p.

 Joriy yilning yanvar-iyun oylarida avtokonsernning asosiy moliyaviy ko‘rsatkichlari quyidagicha bo‘lgan:

Sof tushum: 23,4 trln so‘m (o‘tgan yilga nisbatan +6,4 foiz);

Sotilgan mahsulot tannarxi: 18,97 trln so‘m (o‘tgan yilga nisbatan -1,1 foiz);

Yalpi foyda: 4,45 trln so‘m (o‘tgan yilga nisbatan +56,6 foiz);

Operatsion xarajatlar: 2,39 trln so‘m (o‘tgan yilga nisbatan +30,3 foiz);

Sof foyda: 1,91 trln so‘m (o‘tgan yilga nisbatan +65 foiz);

Taqsimlanmagan foyda: 8,54 trln so‘m (o‘tgan yilga nisbatan +28,8 foiz).

Shuningdek, UzAuto Motors’ning uzoq muddatli bank kreditlari 1,8 trln so‘mni, uzoq muddatli qarzlar 3,8 trln so‘mni tashkil etgan. Qisqa muddatli kreditlar 569,1 mlrddan 0,2 mlrd so‘mga kamaygan.

• UzAuto