Amerikaning NASA kosmik agentligi rahbari Bill Nelson 2040-yilgacha Marsga odam qoʻnishi mumkinligini aytdi.

Biroq missiya ushbu sayyoraga qoʻngan taqdirda ham, sayyoralarning joylashuvi Yerga qaytishga qulay boʻlishi uchun bir necha yil kutishga toʻgʻri keladi, deb fikr bildirgan NASA rahbari.

“2040-yil kelishiga atigi 17 yil qoldi. Oyga yetib borish uchun uch-toʻrt kun kerak boʻladi, biroq Mars ancha uzoqda”, – degan u oʻz intervyusida. Uning soʻzlariga koʻra, Marsga yetib borish uchun yetti-sakkiz yil kerak boʻladi.

“Bunday holatda, sayyoralarning joylashuvi ortga qaytishga imkon bermaguncha bir necha yil Marsda qolishga toʻgʻri keladi”, deb tushuntirdi NASA rahbari.

Avvalroq Bill Nelson kosmik kemaning Mars atmosferasiga kirib borishini sekinlashtirishi va uning xavfsiz qoʻnishiga yordam beradigan puflanadigan issiqlik qalqoni ustida ish boshlanganini maʼlum qilgandi. Hozirda NASA Perseverance roboti Mars yuzasidagi maʼlumotlarni yigʻib, Yerga uzatmoqda.

Shuningdek, Mars bilan bogʻliq tadqiqotlarni Xitoyning “Chjujun” roboti ham olib bormoqda. 2022-yil sentyabr oyida “Tyanven-1” stansiyasi Marsda suv izlarini topgandi. Oʻsha yilning yanvar oyida Xitoy Marsning orbital zonddan olingan fotosuratlarini nashr etdi.

• Mars
• NASA