Sog‘liqni saqlash vazirligi yolg‘on chaqiriqlar bo‘yicha yangi statistikani e’lon qildi. Unga ko‘ra, O‘zbekistonda bunday chaqiriqlar kamayib bormoqda. 

2024-yilning dastlabki 3 oyida "103" xizmatiga jami 686 ta yolg‘on chaqiriq kelib tushdi, — deydi Respublika tez tibbiy yordam markazi direktori Abduvoitjon Gafurov. — Taqqoslash uchun aytsak, mazkur ko‘rsatkich 2023-yilning ayni shu davrida 893 tani tashkil etgan.

To‘g‘ri, yildan-yilga bu kabi murojaatlar soni kamayib bormoqda. Biroq gap inson salomatligi haqida ketar ekan ularning bittasi ham ko‘p.

Tahlillar shuni ko‘rsatadiki, 2024-yilning yanvar-mart oylarida eng ko‘p yolg‘on chaqiriq Buxoro viloyatida kuzatilib, bu raqam 137 tani tashkil etdi. Keyingi o‘rinda Toshkent shahri qayd etildi — 133 ta. Shuningdek, Qashqadaryo viloyatidan 110 ta, Andijon viloyatidan 58 ta va Farg‘ona viloyatidan 57 ta ana shunday murojaat kelib tushgan.

Eng kam yolg‘on chaqiriq Sirdaryo viloyatida ro‘yxatga olindi — atigi 1 ta.

• Tez tibbiy yordam
• Vazirlik