Gʻozgʻon shahri, Taxiatosh, Mingbuloq hamda Furqat tumanlariga yangi hokimlar tayinlandi. Bu haqda O‘zbekiston Milliy axborot agentligi xabar berdi.

Unga ko‘ra, Joʻrayev Nurali Shuhratovich Navoiy viloyatining Gʻozgʻon shahriga hokimi vazifasiga tayinlangan.

Bunga qadar u Investitsiyalar, sanoat va savdo vazirligi hududlarni rivojlantirish boshqarmasi bosh mutaxassisi vazifasida faoliyat yuritgan.

Aytbayev Kamiljan Kurbanbayevich esa Taxiatosh tumani hokimi etib tayinlangan. U bunga qadar Amudaryo tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari — iqtisodiy taraqqiyot va kambagʻallikni qisqartirish boʻlimi boshligʻi lavozimida faoliyat olib borgan.

Shuningdek, Mansurov Ahror Ahmadaliyevich Namangan viloyatining Mingbuloq tumani hokimi etib tayinlangan.

Furqat tumaniga esa Asronkulov Elyorbek Madaminovich hokim bo‘ldi. Bunga qadar u Ijtimoiy himoya milliy agentligining Fargʻona viloyati boshqarmasi boshligʻi boʻlib ishlab kelgan.

• Hokimlik