Bosh prokuratura huzuridagi Departamentning Yangiyoʻl va Qoraoʻzak tuman boʻlimi tomonidan tuman boʻlimi tomonidan DSI va IIB xodimlari bilan tezkor tadbirda oʻtkazilgan.

Unda fuqaro F.B. oʻzining yashash xonadonida qoʻlbola usulda alkogol mahsulotlarini tayyorlab sotib kelganligi aniqlangan.

Undan ixtiyoriy ravishda taqdim etilgan har biri 0,7 litr hajmli 208 dona “Combat” nomli alkogol mahsuloti, “Vega” va “Combat” nomlari tushirilgan boʻsh qutilar ashyoviy dalil sifatida olingan.

Shu kabi, Departamentning Qoraoʻzak tuman boʻlimi tomonidan IIB xodimlari bilan oʻtkazilgan tezkor tadbirda, fuqaro I.Q. fuqaro G.ga qalbaki aksiz markalar bilan yelimlangan 95 dona “Qaratau” nomli alkogol mahsulotini 2,9 mln. soʻmga sotgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) va 176-moddasi (qalbaki pul, aksiz markasi yoki qimmatli qogʻozlar yasash, ularni oʻtkazish) bilan jinoyat ishlari qoʻzgʻatilib, tergov harakatlari oʻtkazilmoqda.

• Bosh prokuratura