Toshkent viloyatining Qibray tumanida “Hududgaz Toshkent” gaz taʼminoti filiali komplayens nazorat tuzilmalari, tuman gaz taʼminoti boʻlimi xodimlari va huquq-tartibot organlari hamkorligida oʻtkazilgan reyd jarayonida qonunbuzilish holati fosh etilgan. Bu haqda “Hududgaz Toshkent” xabar bermoqda.

Ma’lum qilinishicha, tumanning “Obod” MFYda istiqomat qiluvchi fuqaro M.R. oʻz xonadonida issiqxona tashkil qilib, loyiha-texnik hujjatlari rasmiylashtirmasdan, gaz hisoblagichdan tashqari tabiiy gaz quvuriga oʻzboshimchalik bilan toʻgʻridan toʻgʻri ulanib, “zangori yoqilgʻi”dan noqonuniy foydalanib kelgani maʼlum boʻlgan. Hozirda ushbu holat yuzasidan dalolatnoma tuzilib, sarflangan tabiiy gaz hajmi qayta hisob-kitob qilindi va 309 million 348 ming soʻmlik zarar aniqlangan.

Shuningdek, mazkur noqonuniy holat boʻyicha barcha hujjatlar huquqni muhofaza qiluvchi organlarga yuborilgani qayd etilgan.

• Issiqxona
• Toshkent viloyati