24°
Kechasi 12°
21-may kuni soat 17:30 lar atrofida Toshkent viloyati Chirchiq shahridagi 4-mikrorayonda 8-sinf o‘quvchisi N.L. va E.A. Yuqori Chirchiq tumanida yashovchi 58 yoshli R.A.ni kaltaklagan. 7-sinfda tahsil oluvchi yana bir o‘quvchi esa voqeani videotasvirga olib, ijtimoiy tarmoqlarda tarqatgan edi.
Videoda maktab o‘quvchilari erkakni ustidan kulib, mazax qilgani, so‘ng esa uni mushtlab, yuziga tepganini ko‘rish mumkin.
Toshkent viloyati IIBB xabariga ko‘ra, joriy yilning 21-may kuni Chirchiq shahrida maktab o‘quvchilari bezorilik sodir etgan holati yuzasidan Chirchiq shahar IIB huzuridagi Tergov bo‘limi tomonidan Jinoyat kodeksining 277-moddasi 2-qismi “b” bandi bilan jinoyat ishi qo‘zg‘atilgan. Shaxslar JPKning 227-moddasi tartibida ushlangan.
Bildirilishicha, hozirda mazkur holat yuzasidan Chirchiq shahar IIB huzuridagi tergov bo‘limi tomonidan dastlabki tergov harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
