2021-yilning yanvar-sentyabr oylarida Oʻzbekistonga 289 mln. litr avtomobil benzini import qilingan. Bu haqda Davlat statistika qoʻmitasi maʼlum qildi.

Qayd etilishicha, 2021-yilning yanvar-sentyabr oylarida Oʻzbekistonga qiymati 104 mln. AQSh dollariga teng boʻlgan 289 mln. litr avtomobil benzini import qilingan.

Keltirilishicha, avtomobil benzini importi oʻtgan yilning mos davriga nisbatan 137 mln. litrga oshgan.

Oʻzbekiston avtomobil benzinini import qilgan asosiy davlatlar qatoridan Rossiya (140,5 mln. litr), Turkmaniston (126,8 mln. litr), Qozogʻiston (16 mln. litr) hamda Iroq (3,6 mln. litr) mamlakatlari oʻrin olgan.

• Import
• statistika