2022-yil 12-yanvar kuni O'zbekiston Respublikasi Tashqi ishlar vaziri Abdulaziz Kamilov Qirg'iziston Respublikasining Favqulodda va Muxtor Elchisi Ibrohim Junusovni O‘zbekistondagi diplomatik missiyasi yakunlangani munosabati bilan qabul qildi.

Ma’lum qilinishicha, uchrashuv avvalida Vazir O'zbekiston-Qirg'iziston munosabatlarini kengaytirish va mustahkamlashga Elchining qo'shgan hissasini yuqori baholagan.

Shunindgek, ikka davlat o'rtasidagi siyosiy muloqot, savdo-iqtisodiy, madaniy-gumanitar va mintaqalararo aloqalar sezilarli darajada jadallashgani e'tirof etilgan. Bundan tashqari, ilgari erishilgan kelishuvlar ijrosi va turli darajalardagi bo‘lajak tadbirlar jadvali ko'rib chiqilgan.

Qirg‘iziston Elchisi O‘zbekistonda diplomatik missiyasini muvaffaqiyatli amalga oshirishda yaratilgan qulay sharoitlar uchun O‘zbekiston tomoniga samimiy minnatdorlik bildirgan.

• Qirg‘iziston
• Vazirlik