Turkmaniston Prezidenti Serdar Berdimuhamedov O‘zbekiston Respublikasi Prezidenti huzuridagi Xavfsizlik kengashi kotibi o‘rinbosari Abdulaziz Hafizovich Komilovga Turkmanistonning “Hurmatli el yoshullisi” unvonini berish to‘g‘risida farmon imzoladi.

“Turkmaniston va O‘zbekiston Respublikasi o‘rtasidagi do‘stona munosabatlarni mustahkamlash, milliy an’analarni rivojlantirish, ma’naviy yaqinlik bog‘lagan ikki qardosh xalqning hamjihatligi va kuch-qudratini mustahkamlash, yosh avlod tarbiyasidagi alohida xizmatlari uchun, shuningdek, ikki mamlakat o‘rtasidagi uzoq yillik munosabatlarni, siyosiy, iqtisodiy, fan, ta’lim va madaniyat sohalarida hamkorlikni kengaytirishga qo‘shgan katta shaxsiy hissasini inobatga olib, O‘zbekiston Respublikasi Prezidenti huzuridagi Xavfsizlik kengashi kotibi o‘rinbosari, O‘zbekiston Respublikasi Prezidentining tashqi siyosat bo‘yicha vakili Abdulaziz Hafizovich Komilov Turkmanistonning “Hurmatli el yoshullisi” hisoblanadi” – deyiladi farmonda.

• Abdulaziz Komilov
• O‘zbekiston
• Turkmaniston