Jahon futbolchilarining transfer narxlarini e’lon qilib boruvchi Transfermarkt nashri FIFA kunlari oldidan bir qator futbolchilarning narxlarini yangiladi. Yangilangan holatga ko‘ra, O‘zbekiston terma jamoasi himoyachisi Abduqodir Husanovning transfer narxi “Manchester Siti” klubidagi ishonchli harakatlari natijasida 35 million yevro etib belgilandi. Ma’lumot uchun Husanov bunga qadar 12 million yevro narx bilan ayni paytda O‘zbekistondagi eng qimmat futbolchi bo‘lib turgan edi.

Bundan tashqari himoyachi ushbu natija bilan O‘zbekiston futboli tarixidagi eng qimmat transfer narxiga ega bo‘lgan futbolchiga aylandi. Avvalroq, ushbu natija “Roma” klubi hujumchisi Eldor Shomurodovga tegishli edi. Shomurodov rimliklar safiga qo‘shilgach, 14 million yevroga baholangan edi.

Ma’lumot uchun, O‘zbekiston terma jamoasi 20-mart kuni soat 21:00 da, “Bunyodkor” stadionida Jahon chempionati saralash bosqichidan o‘rin olgan bahsda Qirg‘iziston terma jamoasiga qarshi maydonga tushadi.

• Abduqodir Husanov
• Futbol
• Terma jamoa
• Transferlar