2025-2026-o‘quv yilida oliy va professional ta’lim muassasalariga kirish uchun onlayn ro‘yxatdan o‘tgan abituriyentlarga “Abituriyent ruxsatnomasi”ni berish boshlandi. Bu haqda Oliy ta’lim vazirligi xabar berdi.

Ma’lum qilinishicha, abituriyentlar test sinovlarida ishtirok etish uchun “Abituriyent ruxsatnomasi”ni my.uzbmb.uz saytiga shaxsiy identifikatsiya raqami hamda pasport seriyasi va raqamini kiritgan holda olishi mumkin.

Abituriyentlar test sinoviga pasport (ID-karta) va abituriyent ruxsatnomasi bilan belgilangan vaqtdan kechikmagan holda kelishi lozim.

Pasport nusxasi yoki boshqa hujjatlar bilan kelgan, shuningdek, kechikib kelgan abituriyentlar test sinovlariga kiritilmaydi.

Ma’lumot uchun, 2025/2026-o‘quv yilida O‘zbekiston oliy ta’lim muassasalarining bakalavriatiga kirish imtihonlari uchun 732 411 nafar abituriyent onlayn ro‘yxatdan o‘tgan.

• Imtihon
• Oliy ta'lim
• Oliy ta'lim, fan va innovatsiyalar vazirligi
• O‘zbekiston
• abituriyent