Bugun 12-iyul kuni Ozarbayjon prezidenti Ilhom Aliyev taklifiga binoan kuni Suriyaning o‘tish davri prezidenti Ahmad al-Shara Bokuga davlat tashrifi bilan keldi.

Dastavval tomonlar kengaytirilgan doirada uchrashuv o‘tkazdi.

Prezident Ilhom Aliyev Ahmad al-Sharaning Ozarbayjonga tashrifi ikki tomonlama munosabatlarni rivojlantirishga katta hissa qo‘shishiga umid bildirdi. Uning ta’kidlashicha, Suriyaning avvalgi hukumati Ozarbayjonga nisbatan do‘stona bo‘lmagan siyosati tufayli ikki tomonlama munosabatlar turg‘unlik davrini boshdan kechirgan. Biroq, Suriyada yangi hukumatning o‘rnatilishi aloqalarni rivojlantirish uchun katta istiqbollarni ochganini ta’kidladi.

Ahmad al-Shara prezident Ilhom Aliyevga Ozarbayjonning Suriyani doimiy qo‘llab-quvvatlagani uchun minnatdorchilik bildirdi. Shuningdek, avvalgi Suriya hukumati ko‘plab mamlakatlar, shu jumladan Ozarbayjon bilan munosabatlarga putur etkazganini afsus bilan ta’kidladi.

U Suriyaning Ozarbayjon bilan siyosiy, iqtisodiy, savdo, madaniy, gumanitar va boshqa sohalarda hamkorlik qilishdan manfaatdor ekanligini tasdiqladi.

Kengaytirilgan tartibdagi muzokaralar yakuniga yetganidan so‘ng, tomonlar o'zaro tor doiradagi uchrashuv ham o‘tkazdi.

• Ilhom Aliyev
• Ozarbayjon
• Suriya
• uchrashuv