Amerikaning The New York Times nashri yozishicha, Rossiya prezidenti Vladimir Putin AQSh prezidenti Donald Trampning Moskvaga qarshi yangi sanksiyalar kiritish ehtimoliga tayyor.

“U (Putin) Tramp oxir-oqibat yangi sanksiyalar joriy qilishi mumkinligiga tayyor, chunki Oq uy so‘nggi olti oy davomida Rossiyaga nisbatan yangi cheklovlar kiritmagan”, — deyiladi maqolada.

“Putin hech qachon Vashingtonning Moskvaga nisbatan siyosati qanday rivojlanishi mumkinligi haqida illyuziyaga ega bo‘lmagan va Rossiya rahbariyati hamisha eng yomoniga tayyor bo‘lgan”, – deb yozadi muallif manbaga tayanib.

Juma kuni Tramp NBC News telekanaliga dushanba kuni Rossiya haqida muhim bayonot berishini aytdi, biroq uning mazmunini oshkor qilmadi. Shuningdek, u Kongressning Rossiyaga qarshi yangi sanksiyalar to‘g‘risidagi qonun loyihasini Senat qabul qilish istiqboli butunlay uning o‘z qaroriga bog‘liq bo‘lishini ta’kidladi.

• AQSh
• Putin
• Rossiya
• Sanksiya
• Tramp