Oʻzbekiston musulmonlari idorasining”Qurʼon tajvidini oʻrgatish” boʻlimi mudiri oʻrinbosari Abror Muxtor Aliy aktrisa Luiza Rasulova “Million” jamoasining konsertidagi hazildan keyin haqiqatdan ham nikohli ayolga aylanganini maʼlum qildi.
“Million” jamoasining konsert dasturidagi hazillarning birida Luiza Rasulova kelin rolini ijro etgan va yigitlarning birida turmushga chiqishga rozi ekanligini bildirgan edi.
“Hazillashib nikoh qilsa, nikoh boʻladi. Yaqinda bir misolni koʻrdim, shuning uchun aytyapman. “Million”da chiqib, Luiza Rasulovani bir bolaga nikohlashdi. Shariat boʻyicha uning eri bor, agar musulmonman desa, oʻsha bola uning eri. U rol oʻynaydimi, boshqa narsa qiladimi, shariatning nikoh degan narsasiga jiddiy qarash kerak. Boshqa kuldiradigan narsa yoʻqmi? U oʻsha yerda “Roziman” dedi, men eshitdim. “Men qabul qildim” dedi. 4000 ta odam guvoh. Luizaning eri bor, agar taloq qilmasa, u bilan yashashga majbur”, dedi Abror Muxtor Aliy.
U dinni masxara qilib boʻlmasligi, dinni masxara qilgan odam dindan chiqib qolishini taʼkidlagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!