Pekindagi Imperator saroyi muzeyida O‘zbekistonning 18 ta noyob eksponati namoyish etildi. Bu haqda Saida Mirziyoyeva xabar berdi.

"Bir makon, bir yo‘l" forumi doirasida Pekindagi Imperator saroyi muzeyida O‘zbekiston tarixi davlat muzeyi va O‘zbekiston Fanlar akademiyasi San’atshunoslik instituti sara to‘plamlariga mansub o‘n sakkizta noyob eksponatni taqdim etdik.

Madaniy merosimizni dunyoning eng yirik muzeylaridan biri – bebaho tarixiy osori-atiqalar saqlanadigan Gugun muzeyida namoyish etish uchun imkoniyat yaratgan va bunda ishtirok etgan, o‘z hissasini qo‘shgan barcha-barchaga samimiy minnatdorlik bildiraman.

Ana shunday imkoniyat va tashabbuslar tufayli mamlakatimiz o‘zining boy o‘tmishini dunyo jamoatchiligiga namoyon eta olganidan xursandman", - deya yozadi prezident yordamchisi.

• Pekin
• Prezident
• San’at
• Taqdimot
• muzey