Jurnalist Nikita Makarenko Abror Muxtor Aliyni haqorat qilganlikda ayblab, sudga bergan.

Toshkent shahri, Jinoyat ishlari boʻyicha Yakkasaroy sudida Abror Muxtor Aliy nomi bilan tanilgan fuqaro — Abror Abduazimovga nisbatan jurnalist Nikita Makarenkoning bergan arizasi yuzasidan sud majlisi boʻlib oʻtdi. Bu haqda jurnalist Nikita Makarenko oʻzining ijtimoiy tarmoqdagi sahifasida maʼlum qildi.

Jurnalistning maʼlum qilishicha, u oʻzining arizasida A.M. Aliy unga nisbatan tahdid, tuhmat va haqoratomuz xabarlar tarqatilishi yuzasidan chora koʻrishini soʻragan.

Abror Abduazimovni MJtKning 202-2-moddasi birinchi qismi bilan shaxs qadr-qimmatini kamsitishga yoki uning obroʻsini kamsitishga olib keladigan yolgʻon maʼlumotlarni tarqatganlikda aybdor deb topilgan va maʼmuriy javobgarlikka tortilgan.

Abror Muxtor Aliy mazkur ish yuzasidan bergan munosabatiga koʻra, sud unga nisbatan BHMning 20 baravari (6 mln. soʻm) miqdorda jarima tayinlagan.

• Sud
• Toshkent