Afg‘oniston Islomiy fazilatlar targ‘ib qilish va illatlar oldini olish vazirligi vakili Sardor Muhammad Haydari ma’lum qilishicha, Baxl va Hisor viloyatlarida ayollar jamoat hammomlariga kirishiga taqiq qo‘yilgan.

Avgust oyida hukumatning Tolibon tomonidan qo‘lga olinishi Afg‘onistonni gumanitar inqirozga olib keldi. Millionlab afg‘onistonliklar ochlik bilan to‘qnashdi. Mahalliy xalqning ko‘pchiligi sovuq oylarda uylarini isitish uchun o‘tin yoki ko‘mir xarid qilolmaydi. Ko‘plab xonadonlar to‘g‘ridan-to‘g‘ri suvga ega bo‘lish imkoniga ega emas. Shu sababli aksariyat jamoat nasoslaridan foydalanadi yoki suv tashishlariga to‘g‘ri keladi.

BMT Butunjahon oziq-ovqat dasturining Afg‘onistondagi direktori Meri Ellen Mak Groarti mamlakatning 40 millionlik aholisidan  22,8 millioni muntazam ravishda to‘yib ovqatlanmaydi, 8,7 mln. inson esa och qolmoqda, deb ta’kidlagan. Butunjahon oziq-oqvat dasturining ma’lumotlariga ko‘ra, umuman olganda afg‘onistonliklarning 98 foizi “risoladagi miqdordagi oziq-ovqatni qabul qilmayapti”. Ammo, shunday vaziyatda ham afg‘on ayollari hammom uchun 40 afg‘oni (0,4 dollarga yaqin) topishga harakat qiladilar.

Toliblarning Afg‘onistondagi avvalgi hukmronligi davrida ham (1996-2001-yy) ayollarning jamoat hammomiga kirishi taqiqlangan edi.

Human Rights Watch tashkiloti rahbarining xotin-qizlar ishlari bo‘yicha o‘rinbosari Xizer Barr “hech bir asossiz ayollarning yagona sovuqdan qutulishiga monelik”dan g‘azabda ekanligini bildirgan.

Eslatib o‘tamiz, toliblar avvalroq xotin-qizlarning faqat ko‘zlari ko‘rinadigan darajada burqada yurishlari talabi qo‘yishdi. Ayollarning erkak hamrohisiz shifoxonaga kelishini ham taqiqlagandi. Shuningdek, Afg‘onistonda  haydovchi nomahram ayollarni mashinada tashishiga ham ruxsat berilmagan.

• Afg‘oniston
• Ayollar
• taqiq