Tojikiston hamda Afg‘oniston elektr tarmoq kompaniyalari 2022-yil uchun elektr yetkazib berish bo‘yicha shartnoma imzoladi.

Ma’lumotlarga ko‘ra, “Da Afghanistan Breshna Sherkat” (DABS) va “Barki Tojik” vakillari o‘rtasidagi muzokaralari bo‘yicha hujjat imzolangan. Hujjatni DABS rahbari Hafiz Muhammad Amin hamda “Barki Tojik” kompaniyasi bosh direktori Mirzo Ismoilzoda imzolagan.

Qayd etilishicha, Afgʻoniston 110 kV elektr uzatish liniyasida har bir kilovatt uchun uch sentdan, 220 kV elektr uzatish liniyasida esa 4,5 sentdan toʻlashi ma’lum qilingan.

Ma’lumot o‘rnida aytish joizki, joriy yilning 11 oyi davomida Tojikiston qariyb 94 million dollarlik elektr energiyasi eksport qilgan, bu esa o‘tgan yilning mos davriga nisbatan qariyb ikki baravar ko‘pdir.

• Afg‘oniston
• Elektr energiyasi
• Tojikiston