“Tolibon” harakati matbuot kotibining o‘rinbosari Bilol Karimiy Mustaqil saylov komissiyasi tarqatib yuborilganini ma’lum qildi.

“Bu komissiyaning mavjudligi va uning ishiga endi ehtiyoj yo‘q, – degan Karimiy. – Agar qachondir ehtiyoj sezilsa, Islom Amirligi komissiyani qaytadan tiklaydi”.

Shuningdek, Mustaqil saylov komissiyasi bilan birga Saylov apellyatsiya komissiyasi ham tugatilgan. Ta’kidlanishicha, 2006-yilda tuzilgan Mustaqil saylov komissiyasi barcha turdagi saylovlarni o‘tkazish va nazorat qilishga mas’ul bo‘lgan.

“Tolibon” Afg‘onistonda hokimiyatni egallagunga qadar mazkur komissiyaga boshchilik qilgan Avrangzebning aytishicha, toliblar komissiyani tarqatib yuborish haqidagi qarorni shoshilib qabul qilgan va buning salbiy oqibatlari ham bo‘lishi mumkin.

“Agar bunday tuzilma bo‘lmasa, ishonchim komilki, Afg‘onistonning muammolari hech qachon hal bo‘lmaydi, chunki hech qanday saylov bo‘lmaydi”, – deya ta’kidlagan Bilol Karimiy.

Bundan tashqari, Bilol Karimiy Tinchlik ishlar bo‘yicha vazirlik va Parlament ishlari bo‘yicha vazirlik ham yopilganini ma’lum qilgan.

• Afg‘oniston
• Toliblar
• saylov