Bugun, 6-dekabr kuni Afg‘onistonning Balx viloyatida sodir bo‘lgan portlashda kamida 7 avtobus yo‘lovchisi halok bo‘ldi. Bu haqda mahalliy OAV xabar bermoqda.

Ma’lum qilinishicha, hodisa Mozori Sharif shahrida sodir bo‘lgan.

“Xizmat avtobusi O‘zbekiston bilan chegaradosh “Hayraton” nazorat-o‘tkazish punkti xodimlarini olib ketayotgan edi”.– deyiladi xabarda.

Balx politsiya boshqarmasi matbuot kotibi Muhammad Asif Vaziri, portlash oqibatida 7 kishi halok bo‘lgan, 6 kishi jarohatlanganini ma’lum qildi.

Aniqlanishicha, bomba ko‘cha sotuvchilari peshtaxtasi ostiga o‘rnatilgan.

Voqea joyiga tez yordam brigadasi yetib kelgan. Hozircha, hech bir tashkilot portlash uchun javobgarlikni o‘z zimmasiga olmagan.

• Afg‘oniston
• portlash