Bugun, 22-iyun kuni O‘zbekiston FVV Seysmoprognostik monitoring Respublika markazi Afg‘onistonda Toshkent vaqti bilan 01:55 da 6,1 ballik zilzila sodir bo‘lgani va uning kuchi Surxondaryo (3 ball), Qashqadaryo (2 ball), Samarqand (2 ball) hamda Jizzax (2 ball) viloyatlarida sezilgani haqida xabar bergan edi.

Ayrim mahalliy va xorijiy OAVlar tarqatayotgan maʼlumotlarga ko‘ra, Afg‘onistonning Paktika va Xost provinsiyalarida 255 kishidan ortiq aholi vakillari zilzila qurboni bo‘lgan, 150 kishidan ortiq kishilar jarohatlangan.

Zilzila markazi Xost provinsiyasidan 44 kilometr janubi-sharqda joylashgan bo‘lib 6,1 ball kuchlanishda bo‘lgan.

“Bakhtar” axborot agentligiga ko‘ra, halok bo‘lganlar soni 255 nafar, jabrlanganlar esa 500 nafardan oshgan.

Afg‘on telekanali “Tolo News”ning maʼlum qilishicha, zilzila yarim tunda sodir bo‘lgan. Bir nechta uylar vayron bo‘lgan. Mahalliy hokimiyat bayonotlariga ko‘ra, ayni paytda tabiiy ofat hududida qidiruv-qutqaruv ishlari olib borilmoqda.

• Afg‘oniston
• Zilzila