Afg‘onistonda sodir bo‘lgan zilzila oqibatida halok bo‘lganlar soni 1000 nafardan oshib ketdi. 600 kishi turli darajadagi tan jarohatlarini olishgan. Bu haqda mamlakat favqulodda vaziyatlar vaziri o‘rinbosari Sharafuddin Muslim maʼlum qildi.

Zilzila 22 iyun kuni erta tongda, soat 1:30 da Pokiston chegarasi hududiga yaqig joyda sodir bo‘lgan. Dastlabki maʼlumotlarda Paktika va Xost provinsiyasi aholisidan halok bo‘lganlar 255 nafar, jabrlanganlar esa 500 nafarga yaqinligi aytilgandi.

Afg‘onistonda, ayniqsa, Hindukush tog‘ tizmalarida zilzilalar kam uchraydi. Afg‘onistonda ko‘plab uylarning mustahkam qurilmagani tufayli zilziladan ko‘p zarar ko‘rgan. Shu bilan birga, jabrlanganlarga tezkor yordam ko‘rsatishni tashkil etish etarli miqdorda qutqaruv samolyotlari va vertolyotlarining yo‘qligi tufayli murakkablashmoqda. Bundan tashqari, hozirda hukumat almashgani sabab gumanitar vaziyat ham yaxshi emas, mamlakatda boshqa narsalar qatori oziq-ovqat va dori-darmon etishmayapti.

• Afg‘oniston
• Zilzila