Qobul universitetining huquq va siyosatshunoslik fanlari professori Fayzulla Jalol “Tolibon”ni iqtisodiy inqirozni chuqurlashtirishda bir necha bor ayblagani va namoyishkorona tarzda tanqid qilgani uchun qamoqqa olindi.
Professor Jalol televizion shoularning birida “Tolibon” vakili Muhammad Naimni “landavur” deb haqorat qilgan. Professorning “Tolibon” hukumatini tanqid ostiga olgani aks etgan videoroliklar ijtimoiy tarmoqlarda keng tarqalgan.
“Tolibon”ning rasmiy vakili Zabihulla Mujohid oʻzining Twitter'dagi sahifasida professor Jalol shanba kuni ijtimoiy tarmoqlardagi chiqishlari tufayli qoʻlga olinganini maʼlum qildi. Fayzulla Jalolga nisbatan “odamlarni tizimga qarshi qoʻzgʻatishga urinish va xalqning qadr-qimmatini oʻyin qilish” aybi qoʻyilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!