Wall Street Journal nashri mintaqadagi iqtisodiy inqiroz va qurg‘oqchilik tufayli afg‘on dehqonlari ko‘proq ko‘knori ekayotgani xabarini bermoqda.

Toliblar dunyo tomonidan tan olinish niyatida Kobulda turib dehqonlarga ko‘knori ekishni ta’qiqlagan bir paytda, mahalliy hukumat vakillari odamlarga teginmayapti. Ularning aytishicha, bu dehqonlarning birdan-bir chorasi.

Ularning aytishicha, ko‘knorini o‘rnini bosadigan biron narsa yo‘q, chunki Afg‘onistonga qo‘shni mamlakatlar o‘z chegaralarini berk saqlamoqdalar. Mamlakatda afyun ishlab chiqarish faqat bir holatda, iqtisodiy holat yaxshilanganidagina to‘xtashi mumkin. Bu, albatta, jahon hamjamiyati yordamisiz amalga oshmaydi.

• Afg‘oniston
• Jahon