Amerika rahbari Jo Bayden Ukraina prezidenti Vladimir Zelenskiyga agar harbiy yordam yetarli emasligi haqidagi shikoyatlarni davom ettirsa, yordam AQSh Kongressi Kievga pul berishdan bosh tortishi mumkinligini aytdi.

Bu haqda mahalliy nashrlar Oq Uyning sobiq amaldori ma’lumotlariga tayanib xabar qildi.

“Bayden shaxsiy suhbatda Ukraina rahbariga, agar Zelenskiy qilinayotgan yordamdan nolishda davom etsa, keyinchalik Kongressning Kiyevga pul ajratishi qiyin bo‘ladi” deyiladi manbada.

Ma’lumotlarga ko‘ra, Ukrainaga katta miqdordagi yordam ko‘satilayotganligi sababli Amerika elita vakillari orasidan bo‘linish kuchaymoqda.

Ma’lumot uchun, 4-oktyabr kuni Jo Bayden Ukrainaga 625 million dollar miqdordagi yangi transh berilganligi haqida ma’lum qilgan edi. Harbiy yordam paketiga 4 ta HIMARS, 32 ta gubitsa va 200 ta zirhli transport vositalari, shuningdek 10 mingdan ziyod snaryadlae va minalar kiradi.

• AQSh
• Bayden
• Jahon
• Kongress
• Oq uy
• Zelenskiy