Reuters agentligining yozishicha, Anqarada o‘tkazilgan muzokaralar chog‘ida Ahmad ash-Shara Suriya-Turkiya mudofaa paktini muhokama qilgan. Ushbu pakt Suriya hududida Turkiya Qurolli Kuchlarining harbiy-havo bazalarini tashkil etishni o‘z ichiga oladi.

Shuningdek, Suriyaning yangi rahbari Isroildan mamlakatning bosib olingan hududlarini qaytarishni talab qilgan. Suriya o‘tish davri hukumati prezidenti bu haqda Turkiya yetakchisi Rajab Toyyib Erdo‘g‘an bilan uchrashuvda aytib o‘tgan.

“Xalqaro hamjamiyat Isroilga bosim o‘tkazishi kerak. 1974-yilgi chegaralarga qaytish va Suriya suverenitetini tiklash zarur”, – deya ta’kidlagan Ahmad ash-Shara.

Bundan tashqari, Suriya prezidenti Turkiya rahbari bilan uchrashuvda uni Damashqqa taklif qilgan.

• Erdogʻan
• Isroil
• Suriya
• Turkiya