Ayni dam Prezident Shavkat Mirziyoyev raisligida qishloq xoʻjaligi yerlarini ijaraga berish, meva-sabzavotchilik klasterlari va tomorqa xoʻjaliklari faoliyatini yanada rivojlantirish yuzasidan videoselektor yigʻilishi boshlandi.

Navbatdagi mavzu tomorqa xoʻjaligini rivojlantirish borasida olib borildi. Mamlakatimiz rahbari yig‘ilish davomida 500 ming gektardan ziyod tomorqalarga kelgusi yil 100 million dollar ajratilish kerakligini taʼkidladi. 

Qayd etilishicha, tomorqada yetishtirilgan mahsulotlarni kafolatli xarid qilish maqsadida har bir tumanda kooperatsiyalar tashkil etiladi. Ularni jihozlash uchun esa 30 foizgacha subsidiya ajratilishi belgilandi. Endi tomorqalarda dehqonchilikni yoʻlga qoʻyish uchun oilaviy tadbirkorlik dasturi shartlari asosida imtiyozli kreditlar beriladi.

Shuningdek, suv taʼminoti ogʻir bo‘lgan tomorqa yerlarini sugʻorish xarajatlarini qisman qoplashga kelgusi yilda 50 milliard soʻm ajratiladi.

Yig‘ilish davomida aholi daromadini oshirish va bozorlar toʻkin-sochinligini taʼminlash uchun har bir xonadonda kamida 100 ta parranda, 20 ta quyon, 5-6 ta qoʻy va echki, 5 ta asalari uyalari boqishni yoʻlga qoʻyish zarurligi koʻrsatib oʻtildi.

• Prezident