Loyihaga ko‘ra, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Qurilish va uy-joy kommunal xo‘jaligi vazirligi mutasaddi tashkilotlar bilan birgalikda 2026-yil 1-martga qadar shoxobchalarda o‘tkazilgan xatlov natijalaridan kelib chiqib, ularning faoliyatini belgilangan minimal talablarga muvofiqlashtiriladi.

2026-yil 1-aprelga qadar fuqarolar hayoti va sog‘lig‘iga xavf tug‘diradigan, jamoat xavfsizligi va atrof-muhitni muhofaza qilish, sanoat va yong‘in xavfsizligi hamda shaharsozlik normalari va qoidalariga, jumladan muhofaza zonalari talablariga javob bermaydigan shoxobchalarni xavfsiz hududlarga ko‘chirish choralari ko‘riladi.

Bunda shoxobchalarni ko‘chirish yoki buzish bilan bog‘liq xarajatlar qonunchilikda belgilangan tartibda kompensatsiya qilinadi.

Ko‘chiriladigan shoxobchalar uchun yer maydonlari infratuzilmalarga ega bo‘lgan hududlardan ajratib beriladi.

Shoxobchalar o‘z faoliyat turini o‘zgartirish istagini bildirgan taqdirda ularga shoxobcha joylashgan hududda qonunchilikda belgilangan tartibda boshqa faoliyat turi bilan shug‘ullanishga ruxsat beriladi.

Avtomobillarga gaz to‘ldirish kompressor shoxobchalari xavfsiz hududlarga ko‘chirilgan taqdirda qonunchilikda belgilangan tartibda ularga istisno tariqasida mavjud infratuzilmalarga (gaz tarmoqlari, elektr energiyasi va boshqalar) ulanishga texnik shartlar beriladi.

Shoxobchalar joylashgan hududlar himoya maydonlari atrofida shaharsozlik normalari va qoidalariga muvofiq bo‘lmagan boshqa obyektlar qurilishi uchun yer maydonlari ajratilishi qat’iyan taqiqlanadi.

• AYQSh
• Jamoat xavfsizligi