Joriy yilda suv tanqisligi tufayli Oʻzbekiston gidroelektr stansiyalarida elektr energiyasi ishlab chiqarish hajmi qariyb 23 foizga kamaygan. Bu haqda Energetika vazirligi xabar berdi. 

Qayd etilishicha, GESlarda suv hajmining kamligi sababli elektr energiyasi ishlab chiqarish koʻrsatkichlari kamayishi kuzatilmoqda va buning natijasida ayrim hududlarda elektr energiyasi taʼminotida qisqa muddatli uzilishlar kuzatilmoqda.

Bu gidroelektr stansiyalarida elektr energiyasi ishlab chiqarishning qisqarishi bilan bogʻliq boʻlib, bu ehtiyojni toʻliq qoplash uchun zarur miqdorda elektr energiyasi yetishmasligiga olib kelgan.

Keltirilishicha, 2019-yilda gidroelektr stansiyalarda ishlab chiqarish 6,5 milliard kilovatt-soatni tashkil etgan boʻlsa, joriy yilda bu koʻrsatkich oʻtgan yilgi koʻrsatkich kabi 5 milliard kilovatt-soatni yoki 1,5 milliard kilovatt-soatga kam (23 foiz)ni tashkil etmoqda.

Mazkur 1 mlrd. 200 mln. kilovatt-soat elektr energiya bilan respublika aholi isteʼmolchilarini bir oy mobaynida uzluksiz elektr energiyasi bilan taʼminlash mumkin.

Taʼkidlanishicha, joriy yilda suv omborlarida belgilangan suv zaxiralari toʻplanmagani nafaqat Oʻzbekiston, balki qoʻshni respublikalarda ham kuzatilmoqda.

• Vazirlik