Aholisining o‘rtacha yoshi eng kichik bo‘lgan hududlar ma’lum qilindi. Bu haqda Davlat statistika qo‘mitasi xabar berdi.

Qayd etilishicha, 2022-yilning 1-yanvar holatiga ko‘ra Chiroqchi tumani O‘zbekiston Respublikasida doimiy aholining o‘rtacha yoshi eng kichik bo‘lgan hudud hisoblanadi.

Qashqadaryo viloyatidagi ushbu tumanda doimiy yashovchi fuqarolarning o‘rtacha yoshi 25,6 ni tashkil etadi.

Chiroqchi tumani – 25,6 yosh;
Uzun tumani – 26 yosh;
Urgut tumani – 26,1 yosh;
Baxmal tumani – 26,5 yosh;
Qo‘shrobod tumani – 26,5 yosh;
Boysun tumani – 26,5 yosh;
Dehqonobod tumani – 26,6 yosh;
Qamashi tumani – 26,7 yosh;
Bandixon tumani – 26,7 yosh;
Denov tumani – 26,7 yosh.

2022-yilning 1-yanvar holatiga ko‘ra O‘zbekiston Respublikasida doimiy aholining o‘rtacha umr ko‘rish davomiyligi 73,8 yoshni tashkil etdi.

• Chiroqchi
• Qashqadaryo
• aholi soni
• statistika