Amerikaning “Black Hawk” (“Qora qirg‘iy”) harbiy vertolyoti Alabama shtatining Xantsvill shahri yaqinida halokatga uchradi. “Fox News” nashri hodisa oqibatida vertolyot ichida bo‘lganlarning barchasi halok bo‘lganini qayd etdi.

Medison okrugi politsiyasi ma’lumotlariga ko‘ra, vertolyot Xantsvill shahridagi Burvel Roud va 53-shosse chorrahasi yaqiniga qulagan. Halokatdan keyin vertolyot yonib ketgan, favqulodda vaziyat hududida yo‘llar to‘sib qo‘yilgan.

Samolyot bortida qancha odam bo‘lgani haqida ma’lumot berilmagan, ammo “ABC News” ma’lumotlariga ko‘ra, ikki kishi halok bo‘lgan. AQSh rasmiysining “Fox News” telekanaliga aytishicha, vertolyot Tennessi milliy gvardiyasiga tegishli. Hozircha, uning qulashi sabablari noma’lum.

• AQSh
• Aviahalokat
• Politsiya