Rossiya Prezidenti Vladimir Putin va XXR raisi Si Szinpin Pekinda delegatsiyalar ishtirokida kengaytirilgan tarkibda muzokaralarni boshladi.

Muzokaralar yakunida tomonlar qo‘shma hujjatlarni imzolaydilar. Shuningdek, Putin va Si Szinpin keng qamrovli sheriklik va strategik o‘zaro munosabatlarni chuqurlashtirish to‘g‘risida bayonot qabul qilishni rejalashtirmoqda. Keyinchalik, rahbarlar o‘rtasidagi aloqa norasmiy sharoitda davom etadi. Putin va Si Szinpin choy ustida yakkama-yakka suhbatlashib, saroy yonidagi parkda sayr qilishlari kutilmoqda. Keyin norasmiy kechki ovqat paytida tor tarkibda muzokaralar bo‘lib o‘tadi, rahbarlarga delegatsiyalarning ayrim a’zolari qo‘shiladi.

Shuningdek, Dmitriy Peskovning aytishicha tomonlar Ukrainadagi vaziyatni ham muhokama qiladi.

“Ukraina albatta muhokama qilinadi”, – degan Peskov Rossiya Federatsiyasining Ukrainadagi Xitoy tinchlik rejasiga munosabati haqidagi savolga.

• Muzokara
• Pekin
• Peskov
• Putin
• Rossiya
• Si Szinpin
• Ukraina
• Xitoy